قازاقستاندىق اۆتوكولىك وندىرۋشىلەرى مەكتەپتەرگە 500-دەن استام اۆتوبۋستى جەتكىزەدى, دەپ حابارلايدى Egemen.kz.
بۇل تۋرالى ۇكىمەت وتىرىسىندا يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ مالىمدەدى.
2021 جىلى قازاقستاندىق ءبىلىم وشاقتارى 515 ارنايى اۆتوبۋسپەن قامتىلماق: 20 ورىندىق 347 اۆتوبۋس جانە 40 ورىندىق 168 اۆتوبۋس. اۆتوبۋستار جۇيەلەر مەن توراپتاردىڭ قاۋىپسىزدىگىن ينتەللەكتۋالدى ءارى اۆتوماتتى تۇردە تەكسەرۋمەن, سالوندا بالالاردى تاستاپ كەتۋدىڭ الدىن-الۋ جۇيەسىمەن, قوسىمشا قاۋىپسىزدىك بەلدىكتەرى بار بالالار كرەسلولارىمەن, جولاۋشىلار سالونىنىڭ ارتقى جاعىنداعى ءبىر رەت تۇرتۋدەن اشىلاتىن اپاتتىق شىعىسپەن جانە سانيتارلىق-ەپيدەميولوگيالىق قوندىرعىمەن جابدىقتالعان. ولار, سونداي-اق تىرەك-قيمىل اپپاراتى بۇزىلعان بالالاردىڭ قاجەتتىلىكتەرىنە بەيىمدەلگەن.
اۆتوبۋستاردى دايىنداۋعا «QazTechna», «DaewooBusKazakhstan» جانە «HyundaiTransAuto» سەكىلدى ءۇش قازاقستاندىق زاۋىت قاتىسقان.